أحضنيني بقوه أخاف منك أضيع >> روعه حييييييييييييييييييييييل

السلام عليكم ورحمة الله وبركاته

_مقدمه_

الحب كلمه صادقه لا نستطيع الكذب فيها مهما حاولنا
ولا نستطيع انكارها بكبرياء جروحنا مهما طال الوقت
نسجت روايتي من واقعية الخيال وخيال الواقع
ومن بين نرجسية الحب وظلم الحبيب
هكذا هي الحياه عندما تقسوا على انسان
وتجعل كبرياء جروحه مرا" يحتسيه
.................................................. ........
امممم>>خلوني اعرفكم ع الشخصيات شوي
الجده أم عبدالرحمن
وعيالها هم

ابو رائد وهو اكبر اخوانه وزوجته ام رائد وعيالهم
رائد الكبير وعمره 28,,وطلال عمره 24,,ورغد عمرها21

ابو زياد وام زياد وعيالهم
زياد وعمره27 وملاك عمرها20

ابو معتز وام معتز
وعيالهم معتز 27 وريما20

العمه رهام
وبنتها لمى عمرها 19

العمه عليا وهي متوفيه هي وزوجها وعندهم
فواز28 وهشام24 وشوق22

العمه هيفاء
وعيالها تركي24 ولينا 21

والعمات الصغار مو متزوجات هديل وعمرها 28 وغيدا وعمرها27
وعن وضع العايله كانوا مسوين سور كبير وبوسطه 7 فلل يعني تقدرون تقولون انهم ساكنين مع بعض بس كل واحد بفلته
.................................................. ....
البارت الاول..

في احد احياء السعوديه الراقيه في فله احد عوائلها الكبيره عند فلة ابو رائد بالتحديد
ملاك:اقول بنات عااد بكرا العيد ونبي ننام هالمره مو نواصل مثل كل سنه وننام فالنهار ويفوتنا كل شي
رغد: اي والله تكفون خلونا ننام
لينا:اقول لايكثر انتي وياها بس كل عيد تعيدون نفس الاسطوانه ولا في فايده
ملاك:المشكله اني داريه بس احاول اغير الوضع
لينا: ههههه انتي تحلمييين
رغد:الا بسألكم شوق بتجي اليوم
لينا: تقول اذا امداها
...ملاك بنت قصيره ونحيفه بس مرررره حلوه عيونها عسليات ورموشها طويله وانفها صغير وشفايفها مليانه وشعرها بني وناعم والى نص ظهرها
من جهه ثانيه في احد المقاهي
تركي:اقول طلال وش ناوي تسوي مع هالبنت
طلال:والله بكيفها اللي خلقها خلق غيرها بعدين انت لايكون مصدق احبها
تركي:والله ياخي مدري عنك انت غريب
طلال:تصدق من اسبوعين جايني رقم غريب مدري من رقمه
تركي:عادي كل الناس تجيهم ارقام غريبه
طلال:طيب اسكت بدق عليه
تركي:ياخي وش لك به اكيد احد غلطان
طلال:الو,,انتو داقين علي؟
والله مااذكر بس جايز:....
طلال:اهااا رب صدفه خير من الف ميعاد
احلف ياشيخ اخلص علي وسكر:.....
طلال:افاا معقول اسكر قبل مااتعرف على راعية احلى صوت
ياشينكم بس لابغيتوا تتميلحون:......
طلال:طيب انا اسمي طلال
يعني مصر تتعرف:.....
طلال:اكيييييد
انا اسمي ساره:......
طلال:عاااد ذا احلى اسم عندي
ساره:لا والله
طلال: اي والله
ساره:طيب خلاص انا بسكر
طلال: بينا الوو
ساره:امممم طيب بااي
طلال: بااااايات
تركي:والله سهله شكلها ماعندها سوابق
طلال: هههههه الا قول شكلها مكلمه عشره قبلي
تركي:الا اقول طلال ورا مانروح البيت من زمان مالعبنا بلياردو
طلال:طيب بس نروح بيتنا نلعب
تركي:لييه تعال عندنا
طلال:طاولتنا احلى
(طلال شاب كلمة وسيم شوي عليه عيونه سود وخشمه ماشاالله طويييل وحاد وشفايفه صغييره بس شوي منفوخه طويل وجسمه حلو لاهو نحيف ولا مليان يعني رياضي وتركي يصير ولد عمته ووسيم وجسمه رياضي بعد لاكن مو احلى من طلال)
.................................................. ..........
ملاك:ها ياريما وش قررتي تلبسين بكرا
ريما : خلاص الاسود اللي اخذته من المملكه وانتي
ملاك : مفااااااجئه
ريما: ملاكوو ياشينك قولي
ملاك:طيب بلبس الفستان الابيض القصير
ريما:اهاا اييه حلوا نااعم يصلح حق الصباح بس والليل؟
ملاك:البدله الحمرا اللي شريناها انا وانتي من فرنسا
ريما:بس مو كن البرمودا حقها قصير يعني هو شورت صراحه مو برمودا
ملاك:عااادي وانا قايله بطلع فيه عند العيال كلنا بنات
ريما:اييه صح صادقه اجل حتى انا بطقم معك بالليل
ملاك:يلا باي اسمع صوت عند الباب خليني اتحجب شكلهم العيال رجعوا
ريما:اوكي بااااي
تركي:مرحبا ملاك شلونك
ملاك:هلا هلا تركي بخير الحمدلله وانت؟
تركي:والله تمام ماعلي
الادخل طلال
طلال:السلام
ملاك: وعليكم السلام
راحو طلال وتركي في غرفة الرياضه يلعبون بلياردوا
ملاك في نفسها:ولا كلف عمره يسأل عن اخباري متى تحس فيني ياطلال

صحيح انهم كل واحد عنده فيلا بس البنات والعيال كلا عند بعض ومايروحوا فللهم الا وقت النوم هذا وان راحوا

.................................................. .............................
اليوم يوم العيد والكل يتجمع في فلة الجده أم عبدالرحمن لان اهلهم كلهم يزورونهم فيها
والبنات الله لايوريكم اشكالهم من التعب والنووم لان الحلوات مواصلين من امس
ملاك:وربي ياماما مافيني حيييل اروح ابي اناااام
ام زياد:مايصير هذولا خوالك ولازم تعيدين عليهم
ملاك:ياربي ياماما اشوفهم في جمعتنا ثالث العيد
ام زياد بنفاذ صبر:خلاص بنروح نسلم عليهم وارجعي نامي
ملاك بقلة حيله: طييييييب
وراحوا بيت خوال ملاك والاخت مضيعهـ ماتدري شتقول من النوم
ويوم رجعت البيت الا البيت مليااان ع الاخر من الناس بحكم انه بيت العايله الكبير
ريما:ملاااااااك اخيرا" جيتي
ملاك:ريما بالله وخري عني بروح اناااام
ريما:ايه خذيني معك انا بعد فيني النوم مواصله من امس
الا طلعت ام معتز من المجلس
ملاك وهي تبوس راس ام معتز:هلا ماما منى كل عام وانتي بخير
ام معتز:هلا هلا ملووكه وانتي بخير, شلونك؟
ملاك:لوني من لون النوم
ام معتز:نعم نعم لا تقولين بتروحين تنامين
ملاك:للأسف ايه
ام معتز: لا مافي نوم الا بعد الغدا
ريما: لاااااا يمه مانقدر
ام معتز: وانتي بعد؟
ريما: اكييييد بنام
ام معتز: مافي نوم الحين ويلا ع المجلس اشوف انتي وياها
البنات بقلة حيله :طييييب
في المجلس
أم محمد بنت عم ام معتز:أقول ياأم معتز من هالبنت اللي لابسه ابيض ودخلت معك؟
ام معتز:هذي ملاك بنت حماي وبنتي بالرضاع
أم محمد:ماشالله عليها تهبل
ام معتز:أيه ماشالله طالعه على امها
ام محمد:واي وحده فيهم امها مها ولا حنان؟
ام معتز:لا ملاك بنت مها اصلا" واضح من الشبه
ام محمد:اقول ام معتز وشرايك اخطبها لولدي محمد دامها اخت ولدك بالرضاع يعني مو حاطه عينك عليها
من جهه ثانيه بالمجلس
رغد:ملاك ملاك
ملاك:ايوا يارغد؟
رغد:شوفي ذيك الحرمه اللي جمب خالتي منى كيف تطالع فيك
ملاك:انا من اول ملاحظتها مدري شفيها علي
شوق:لا مو بس تطالع الا توزع ابتسامات بعد
لمى:انا اقول حاطه عينها عليك
ملاك:بلا افكارك الخارقه هذي
لينا:حتى انا اتوقع مثل لمى حاطه عينها عليك
ملاك:اصلا" من هذي؟
ريما:هذي خالتي ام محمد تصير بنت عم ماما وعندها ولد ياملاك يطيح الطير من السما
ملاك:انطمي
ريما:أوصفلك شكله
وقطع عليهم كلامهم ام محمد لما تكلمت بصوت عالي يسمعه كل الحريم اللي بالمجلس
ام محمد:ماشالله يامها عند هالبنت القمر ومخبيتها عنا
ام زياد:تسلمين ياام محمد ماعلى بنتك زود ماشالله حتى بنتك قمر
عاليه بنت ام محمد والغرور ذابحها:مشكوره خالتي هذا من ذوقك
ملاك بصوت واطي مايسمعه غير البنات وجدتها ام عبدالرحمن اللي جالسه جمبهم:وعععععععععع ريما قومي وديها الثلاجه يمكن تخف مياعتها شوي
هنا البنات ماقدروا يمسكون ضحكتهم وضحكوا بصوت عالي هم والجده
عاليه:ههههههه ضحكونا معكم
ملاك لجدتها:وععععع ياجده مايعه وملقوفه بعد
ريما:سلامتك حبيبتي بس ملاك قالت شي يضحك وضحكنا
عاليه:هاياملاك وش اللي قلتيه ضحكهم؟
ملاك بصوت واطي:يااااااااشينك والله
ملاك:لاحبيبتي ابد بس مبسوطين بوجودك معنا اليوم يعني بصراحه مانشوفك الا بالاعياد
ياليت لوتزورينا بين فتره والثانيه ننبسط سوا
ام محمد:فديييييت الذوق وربي ماشالله عليك مو بس جمال ذوق وادب بعد
ام زياد:ماعليك زود حبيبتي
ام محمد:اقول ياأم زياد انا صار لي فتره ادور البنت المناسبه لمحمد ويوم شفت ملاك مابعدها بنت
ام زياد وتبي تقلب الموضوع مزح:هههههه عاد جدتها قايله ماهي بمزوجتها بتقعدها عندها
طبعا" ملاك لقتها فرصه وسوت نفسها مستحيه عشان تروح تنام والبنات وراااها
.................................................. ...................
في مجلس الرجال
تركي: اقول طلال قوم ندخل
طلال: استح على وجهك وين تبي تروح اقعد ويا الرجال
تركي: بروح اشوف ريومتي حبيبتي
طلال: ابلشتنا ويا ريومتك والمشكله ماهي داريه عن هوا دارك
تركي: ياخي انت وش عليك قوم ندخل وبس
ودخلوا تركي وطلال
تركي: الا اقول ياخاله وين البنات
الخاله غيدا اصغر خالاتهم وتعتبر صديقة العيال والبنات
غيدا:وانت شتبي بالبنات وبعدين وش ذا الرضا مسيو تركي تقولي خاله؟
تركي: ابد اسال وبعدين خاله طلعت معي بالغلط
غيدا:مع وجهك ماتستحي
طلال:كم مره نقولك انتي كبر زياد ومعتز يعني اكبر منا بشوي بس
تركي:ايه صادق الحين هديل اللي اكبر منك ماتقول شي وانتي مسويه سالفه
غيدا: طيب فكوني شتبون بالبنات؟
تركي:مجرد سؤال
غيدا: توهم راحوا ينامون
تركي بصوت واطي:خساره
غيدا:وش تقول؟
تركي:ماقلت شي بعدين انا اكلم نفسي انتي وش عليك
غيدا:من اول وانا قايله انك قليل احترام
طلال:ماعليك منه الا ماقلتي لي زياد ومعتز ماجاو ذا العيد
غيدا:يقولون ان عندهم اشغال كثيره وما يقدرون يجون الا بكرا
تركي:ياخي ياطلال هم شاقين اعمارهم ولا وش لهم يمسكون أعمال بريطانيا
طلال:الله يساعدهم ولا غربه وشركه ومصنع فوق راسهم لحالهم
تركي:لا المصنع ماسكينه فواز ورائد
طلال:ياخي فواز ورائد ماعندهم مسؤليه كل شوي والثاني ناطين لعندنا بالسعوديه والشغل كله على زياد ومعتز
تركي:وانت الصادق . الله يعين زياد ومعتز
.................................................. .................................
بعد 5 ساعات
ملاك:اه يا حلو النوم
ريما: وانتي صادقه
ملاك:يلا عاااد خل نقوم نلبس وننزل
ريما:تهقين راحوا الناس؟
ملاك:اكيييد ياحبيبتي هذولا عيدهم النهار والحين ليل يعني خلص العيد
ريما:كان ودي اعيش اللحظات احس وناسه
ملاك:خلاص العيد الجاي لاتنامين
ريما:الا البنات تهقين قاموا؟
ملاك:اكيد يعني انتي شايفه وحده فيهم بفراشها الحين
ريما: والله مسكينه غيدا غرفتها كلها شراشف ومخدات منا
ملاك:ههههه لا ومن قوات العين جايبين ملابسنا وبجاماتنا بعد يعني مانتعب نفسنا ونرجع نلبس
ريما: ايييه صح قبل انام قالت لي غيدا اليوم بنروح كوفي شوب ونتعشى برا ونرجع
ملاك:مع مين؟
ريما:تقول كلنا البنات والعيال الثلاثه
ملاك:يعني بنطلع سيارتين؟
ريما:اكيييد وين سياره تكفينا كلنا
ملاك:ههه وانتي الصادقه
ريما:قومي بس نلبس عشان نقعد مع عماتي شوي وبعدين نطلع
ملاك:يلا
.................................................. .....
ونزلوا البنات
لمى:لا ياحلوات انتي وياها ماكان قمتوا
ريما وهي تطلع من الاصنصير: انتي اخر وحده تتكلم نايمه اول وحده انا اول مره اشوف بنت تنام قبل يوصل راسها المخده
ملاك: ههههههه يقطع شرك ياريما عجبتني قبل يوصل راسها المخده
ريما:ولا يهمك حبيبتي اكثرلك منها
ملاك:تسلمين ماتقصرين
لمى:هي ووجع بدت السخافه انتي وياها
ملاك:الا اقول لمى من حلمتي فيه يوم نمتي
لمى: اقول ملاكوو ورا ماتاكلين تبن
ملاك:هي انتي انا اكبر منك لا طولين لسانك علي من اليوم وانا ساكتتلك
لمى:احلفي عاااد
ملاك بتتكلم الا ريما قاطعتها
ريما: خلصونا عااد انا جوعانه وابي اكل من ماكدونالدز
ملاك:وش ماكدونلدز ياللحجيه واحنا بنطلع بعد شوي
لمى: ملاك حبيبتي اطلبي لنا نتصبر فيها احنا ماتغدينا
ملاك:حبيبتك وقت المصلحه ها ؟اقول مالكم الا توست تتصبرون فيه ولا مافي غيره خلاص
لمى:ياشينك ياملاك لا اتسلطتي
ملاك:اخلصي هاتي التلفون
ريما:ونااااسه بتطلبين لنا؟
ملاك:بزران انتوا؟ قلت لكم من اول لأ ورا كل شوي سألتوا؟ وبعدين انتم ناقصين لسان ماتطلبون لحالكم
لمى:مايحلى الاكل الا بك
ملاك:فدييييتكـ
ريما:اللي يشوفكم الحين مايقول قبل شوي متهاوشات
لمى:لا اله الا الله بتحسدينا شكلك
ملاك:ماعليك منها لموو حبيبتي تغااار
ريما:ماااااالت على وجيهكم
ملاك تلعب بحواجبها لريما:مالت علينا اغصان الجنه
ريما:معفنه انتي ووجهك أخلصي وش تبين بالتلفون؟
ملاك:صح نسيتيني بخرابيطك عطيني
ملاك تكلم:sozi make a 1 coffee pleas (سوي 1 قهوه لوسمحتي)
لمى:انتي هبله توك صاحيه ومو متغديه ولا متعشيه يضر قلبك نسيتي مايصلح لك
ملاك:عاااادي قلبي تعود
من ورا الباب
طلال:ياعيال
ملاك:يمه قلبي
ريما: انطمي لا يسمعك
لمى:حيااك ياطلال
طلال:ترا تركي معي
لمى:حياااه
تركي:السلااام
البنات:وعليكم السلام
تركي:كل عام وانتوا بخير
طلال:اي كل عام وانتوا بخير هم عيدوا اصلا" خامدات طول اليوم
ريما بتحرج طلال:وعليكم السلام ياطلال لا احنا بخير انت شخبارك؟
تركي و لمى ميتين ضحك على وجه طلال وملاك ودها تكفخ ريما
طلال:يلا تركي خلنا نطلع هشام ينتظر بالسياره
ريما:أذا انت بتطلع وشوله داخل بس تخلينا نتحجب ع الفاضي
لمى:لا وداخل بأخلاق تجاريه بعد
طلال:هييي انتي وياها انطمو قبل اكفخكم
الجده تدخل من وراه وتضربه بالعصى على ضهره:تكفخ مين انت ووجهك ابد ماتحشم احد
تركي:هههههه جاك الموت ياتارك الصلاه
طلال:جده هم اللي يطولون لسانهم خليهم يتحملون
الجده:لا إذا مطولين لسانهم أدبهم
ريما:جده على طول صدقتيه
الجده:لاطليييل اعرفه زين طويل لسان وراعي خرابيط بس مايكذب
ريما:هههههه هزئوه
طلال:هذا دق على راسك يالخبله يعني انتي كذابه
الجده:انا لو اقعد معكم للصبح مااخلص لمى تعالي شوي ابيك تساعديني بشغله
لمى:ان شالله
راحت لمى مع الجده غرفتها وبقوا ريما وطلال وملاك وتركي
طلال:تريييك بكفخك للحين واقف امش شتنتظر
تركي:لاخلنا شوي
طلال:اقعد لحالك انا بطلع لهشام
تركي:اجل يلا وانا معاك
مشوا طلال وتركي وهم ماشين الا يوقف طلال مره ثانيه
طلال وهو معطيهم وراه:ملاك
ملاك فز قلبها اول مره يعطيها وجه
ملاك:هلا
طلال:الا وانا داخل سمعتك تقولين عادي قلبي تعود ممكن اعرف على ايش تعود؟
ملاك: لا عاادي ولا شي كنت اخربط
ريما اللي تخاف على ملاك لان القهوه تضر قلبها كثيير والدكتور مانعها منها وهي هبله دايم تشربها مررره يعيني زياده ضرر
وتعرف انها لايمكن ترد طلال لو قالها لاتشربها
ريما:لا ماكنتي تخربطين ليه ماتقولين له
ملاك:ريما شفيك متسلطه علي؟
ريما بعصبيه من خوفها على ملاك:لا مو عن كذا بس قولي ولا خاايفه
طلال لف بأهتمام
طلال وعينه على ملاك:ليييه ماتقولين ومن ايش خايفه؟
ملاك:ماعليك منها ذي هبله وتكبر المواضيع وربي الموضوع تافه
ريما:لا مو تافه انا اقولك
طلال: قولي طيب اسمع
ملاك:طلال لاتضيع وقت على سوالفها الماصخه روح لهشام
طلال:رفضك يزيدني اصرار اسكتي
ريما:تذكر من اسبوع لما تنومت ملاك بالمستشفى؟
طلال يتذكر:ايه بس شدخل؟
ريما: انت ماسألت لييه؟
طلال:لأ
ريما:لانها تشرب قهوه
طلال:كلنا نشرب قهوه
ملاك:شفت ان ماعندها سالفه خلاص روح
ريما تتجاهل ملاك:بس ملاك غير الطبيب مانعها من القهوه لانها تضعف القلب عندها وبمجرد ماتشربها بكثره او
ع الريق ممكن يضعف القلب ويسبب لها فقد للوعي وهي حماره تبي تشرب قهوه مره وهي توها قايمه من النوم حتى ماكلت شي
طلال:عشان كذا قلتي قلبي متعود؟
ملاك قامت تبكي ماودها طلال يدري
ملاك:اييه
طلال:قومي معي
...............................
انتظـــــــــــــر ردودكم حق اكملها لكم

والله من جد رووووووووووووعه <<خوووقاق
وبأسرع وقت تكمليها عشان ننتظر التكمله

يسلموو يااغلاتي
كلك ذووووق

مشكوره كثييييييييييير
فديت روحي
والله رووعه خيااااااااال مشكوره
ماتقصرين كلك ذوووووووووووووق

» قصيدة بنت تكره المدرسه بقوه>>ههه تضحك
» صور انمي روعه
» لعبة فضح الاعضاء ههه{{ روعه
» انشوده روعه (حلوه الدنيا)
» الابتسامه بدون سبب من روعه الادب!